ادارة اعلانات الفيسبوك كل مشروع اونلاين أواوفلاين السوشيال ميديا بتأثر في انتشاره و نجاحه بشكل كبير و ملحوظ . وجزء أساسى من نجاحك على
الفيسبوك بيتوقف على ادارة اعلانات الفيسبوك صح عشان كده هيكون عندك حل من
اتنين.
الاول انك تسلم إدارة
اعلانات الفيسبوك بتاعتك لشركة متخصصة فى ادارة الاعلانات على السوشيال ميديا عشان
تحافظ على فلوسك و توصل لأفضل نتائج و مبيعات.
او الحل التانى انك تتعلم
ازاى تقوم بإدارة اعلانات الفيسبوك الخاصة بيك.
و فى الحالتين انت
محتاج المقال ده عشان تبقى فاهم إدارة إعلانات الفيسبوك بتتم أزاى عشان حتى وانت
بتختار الشركة تبقى محدد كويس المعايير اللى هتختار بيها الشركة اللى هتثق
فيها عشان تقوم بدور أدارة اعلانات الفيسبوك لشركتك.
يلا نبدأ كده نتعلم اساسيات
ادارة اعلانات الفيسبوك بإننا نفهم الاول ايه هى انواع الاعلانات على
الفيسبوك .
من اول ما بدأ الفيسبوك وهو
فى تطور كبير و تقريبا فيه تعديلات بتحصل كل كام شهر لحد ما وصلنا لحد دلوقتى
بوجود 9 انواع للاعلانات على الفيسبوك و اللى اكيد هتحتاج واحد منهم على الأقل.
1- Page likes ” تسجيلات الاعجاب بالصفحة”
أول حاجة بتفكر فيها لما
تعمل صفحة على الفيسبوك هى أنك تزود عدد الاعجاب بالصفحة و هنا بنبدأ
بإقتراح انك تهتم بإعلان الاعجاب بالصفحة و بنقدر من خلاله زيادة عدد
المعجبين بالصفحة بشكل مباشر و اللى بيكون كمان مهمته الأساسية هى استهداف الجمهور
المهتم فعلا بمحتوى الصفحة بتاعتك مش مجرد زيادة وخلاص عشان يبقى فيه تفاعل حقيقى
ع الصفحة مش مجرد رقم وفلوس ع الأرض عشان كده ادارة اعلانات الفيسبوك بطريقة صح
هتوفرلك فلوس كتير.
2- Page post engagement ” التفاعل مع المنشور “
بعد ما زودنا عدد المعجبين
على الصفحة للاسف سياسة الفيسبوك الجديدة هى ان المنشورات متظهرش غير ل 6% بس كحد
اقصى من المعجبين على صفحتك و ده بيوصلنا انه محتاجين نعمل اعلان على المنشورات
اللى انت محتاج الناس تتفاعل معاها و تعرفك من خلالها و عشان كده بنحتاج لاعلان
التفاعل كجزء من ادارة اعلانات الفيسبوك فى شركتك بحيث يظهر لاكبر عدد ممكن من الجمهور المستهدف و
اللى من خلاله برضوا بنقدر نزود عدد المعجبين بصفحتك.
3- Event responses ” الاستجابة للمناسبات “
نجاح أى ايفينت عندك بيتوقف
على انك توصل لعدد الناس المطلوب لتغطية الايفينت ده و عشان توصل فعلا للجمهور
الحقيقى اللى محتاج الايفينت بتاعك هتحتاج النوع ده من الاعلانات وانت بتعمل ادارة
لاعلانات الفيسبوك عندك و كل اللى هتعمله انك تنشأ المناسبة او الايفينت على صفحتك
و تستخدم اعلان الاستجابة للمناسبات و هتقدر بيه توصل للجمهور المستهدف .
4- Offer claims ” مطالبات العروض “
لو انت محل تجارى و عندك
عروض جديدة او خصومات مختلفة و عايز الناس تركز اكتر على العروض دى بالأخص فتقدر
تعمل حملة اعلانات كاملة مهمتها تحويل العميل مياشرة للعرض المطلوب على متجرك
مخصصه فى ادارة اعلانات الفيسبوك.
5- App installs ” تثبيت التطبيق “
لو نشاطك عباره عن تطبيق الكترونى او يحتوى على تطبيق إلكترونى (
ويندوز, ios , اندرويد) يبقى ضرورى جدا تكون مخصص جزء من اداره اعلانات
الفيسبوك عندك فى استخدام اعلانات تثبيت التطبيق و اللى بتنقل المهتمين باعلانك
مباشرة الى متجر التطبيقات لتحميل التطبيق و استخدامه.
6- App engagement ” التفاعل مع
التطبيق “
دلوقتى لو انا عندى حاجة
معينة جوا الابلكيشن بتاعى و عايز الناس توصلها يبقى انا محتاج حملة اعلانات
التفاعل مع التطبيق لأنها هتوصل العميل للجزء اللى انا محتاجه يشوفوه و يتعامل
معاه جوا الابلكيشن بتاعى . طيب لو العميل اصلا مش محمل التطبيق ؟ فالاعلان هيوصله
الاول بمتجر التطبيقات و بعد التحميل هيشوف الجزء اللى انا محتاجه يشوفه .
7- Clicks to website ” النقرة
إلى موقع الويب “
من أهم أنواع الاعلانات
اللى بنعتمدها فى ادارة اعلانات الفيسبوك لو عندك موقع او شغلك بيعتمد على الموقع
بشكل أساسى لأنه بيساعدك تعمل حملة اعلانية كاملة تقدر بيها تزود الترافيك على
الموقع بتاعك و تزود من انتشار و شهرة موقعك و كمان تقدر بيه توصل الناس لصفحة
معينة فى موقعك يكون فيها عروض خاصة او معلومات محتاج عميلك الحقيقى انه يعرفها .
8- Web conversion ” تحويلات
موقع الويب”
طيب وانا بعمل ادارة
اعلانات فيسبوك و محتاج انى اتابع العميل كمل كل الخطوات اللى انا محتاجها من ورا
الاعلان ده إن كان عرض خاص أوزيادة القائمة البريدية عندى يبقى هحتاج استخدم النوع
ده من الحملات الإعلانية و اللى بيضيف بيكسل التحويل بالموقع أما لو عايز بس
العميل يدخل الموقع يبقى النوع الاول افضل.
9- Video views ” مشاهدات
الفيديوهات”
مؤخرا الفيسبوك أضاف نوع
جديد من الاعلانات و اللى بتخليك قادر تعمل حملة إعلانية كاملة لزيادة المشاهدات
على الفيديوهات اللى بتنشرها على صفحتك .
وبكده تكون بقى عندك خلفية
اكبر عن إدارة اعلانات الفيسبوك .
إقرأ أيضاً : 9 مبادئ اساسية لتصميم موقع متجاوب
